Қызылша- ауа арқылы таралуы жоғары жұқпалы инфекция.
Вакцинацияланбаған адамдарда қызылшаға деген сезімталдық шамамен 100% құрайды, яғни егер бала немесе ересек адам қызылшаға қарсы егілмеген болса, онда қызылшамен ауырған науқастан жұқпалы кезеңде байланысқа түскен жағдайда, ол 100% жағдайда қызылшаны жұқтырады. Инфекция жұқтырған адам аурудың инкубациялық (жасырын) кезеңінің соңында, тері бөртпелері басталған сәттен бастап 4-5 күн ішінде инфекция көзі боп саналады.
Науқастардан қызылша вирусы жөтелу және түшкіру процесінде, сондай-ақ қалыпты сөйлесу кезінде тыныс алу жолдарынан қоршаған ортаға көп мөлшерде бөлінеді. Бұл аурудың ерекшелігі - қызылша қоздырғышының айтарлықтай (ондаған метр) қашықтыққа дейін таралуы, бұл науқас адамның айналасындағы адамдардың жаппай инфекция жұқтыруы мүмкін.
Қызылша ауруының негізгі белгілері - жалпы әлсіздік, дене температурасының жоғарылауы, қатты бас ауруы, ұйқының бұзылуы, тәбеттің төмендеуі. Науқаста шырышты секрециясы бар қатты мұрын, тұрақты құрғақ жөтел, қабақтың ісінуі, конъюнктивит болады. 3-8 күннен кейін денеде жарқын дақ-папулярлы бөртпе пайда болады, ол кейіннен өзара біріктіріледі. Қызылша ауруы көп жағдайда асқынады, әсіресе балаларда, мысалы, пневмония, жалған круп, стоматит боп асқынуы мүмкін. Ересектерде менингит, менингоэнцефалит және полиневрит дамуы мүмкін. Аурудан кейін иммунитет өмір бойы сақталады.
Сондықтан барлық адамдар міндетті түрде вакцинациядан өтуі керек.
2018 жылғы желтоқсанда әлемнің 138 елінде қызылшаның және қызылшаға күдікті аурулардың 319 мыңнан астам жағдайы тіркелді, оның ішінде Еуропа өңірінің 47 елінде – 70 мың жағдай тіркелді.
Қазақстанда өткен жылы қызылшаның 576 жағдайы ресми тіркелген.
